Maxfiylik siyosati
Oxirgi yangilanish: 2026-yil 27-sentabr
1. Qanday maʼlumotlarni yigʻamiz
Email, ism, kompaniya maʼlumotlari, ulangan ijtimoiy akkaunt (username, profil ID), yuborilgan post havolalari va ularning statistikasi (koʻrishlar), toʻlov soʻrovlari uchun koʻrsatgan hisob raqamingiz.
2. Nima uchun
Akkaunt sizniki ekanini tasdiqlash, kampaniya natijalarini hisoblash, daromadni toʻlash, soxta koʻrishlar (nakrutka) va firibgarlikka qarshi kurashish hamda xizmatni yaxshilash.
3. Instagram, TikTok, YouTube
Siz akkauntni ulaganda faqat oʻqish ruxsati olinadi: profil maʼlumotlari va postlaringiz statistikasi. Biz sizning nomingizdan hech narsa joylamaymiz. Ulashni istalgan vaqtda oʻchirishingiz mumkin, shunda saqlangan kirish kaliti oʻchiriladi.
4. YouTube API Services
Reelpay YouTube API Services xizmatlaridan foydalanadi. YouTube akkauntini ulash orqali siz YouTube foydalanish shartlariga (www.youtube.com/t/terms) rozilik bildirasiz, maʼlumotlaringizga Google maxfiylik siyosati (policies.google.com/privacy) ham amal qiladi. Biz faqat kanalingiz nomi, identifikatori va siz kampaniyaga yuborgan videolarning koʻrishlar sonini oʻqiymiz.
5. Ulanishni bekor qilish va maʼlumotni oʻchirish
Kabinetdagi “Ijtimoiy akkauntlar” boʻlimida akkauntni oʻchirsangiz, kirish kaliti platformada bekor qilinadi va bizdan oʻchiriladi. Ruxsatni platformaning oʻzida ham olib tashlashingiz mumkin: Google — myaccount.google.com/permissions, Instagram — Sozlamalar → Ilovalar va saytlar, TikTok — Sozlamalar → Xavfsizlik → Ruxsatlar. Platformadan olingan maʼlumotlar faqat kampaniya hisob-kitobi uchun ishlatiladi; ulanish bekor qilinsa, yangilanmaydi va 30 kun ichida hisob-kitobga aloqasi boʻlmagan qismi oʻchiriladi.
6. Saqlash va himoya
Kirish kalitlari shifrlangan holda saqlanadi. Moliyaviy yozuvlar qonun talab qilgan muddat davomida saqlanadi. Maʼlumotlar uchinchi shaxslarga sotilmaydi.
7. Sizning huquqlaringiz
Maʼlumotlaringizni koʻrish, tuzatish va akkauntni oʻchirishni soʻrash huquqiga egasiz: support@reelpay.uz.
8. Yoshlar
18 yoshga toʻlmaganlar faqat qonuniy vakil roziligi bilan qatnashishi mumkin.